ఏపీ ఫైబర్‌నెట్ సేవలపై పూర్తి సమాచారం, ధర, పన్నులు, ఇంటర్నెట్ వేగం ఇంకా..

డిజిటల్ ఇండియా పిలుపులో భాగంగా ..

ప్రధాని మోడీ ఇచ్చిన డిజిటల్ ఇండియా పిలుపులో భాగంగా దేశంలోనే అన్ని రాష్ట్రాల కంటే ముందుగానే ఏపీ ప్రభుత్వం ఈ సేవలను ప్రారంభించింది. ఫైబర్‌ టు ద హోమ్‌ (ఎఫ్‌టీటీహెచ్‌) పద్ధతిలో టెలిఫోన్‌, ఇంటర్‌నెట్‌, కేబుల్‌ టీవీ రూ.149కే ముఖ్యమంత్రి అందుబాటులోకి తెచ్చారు.

నెలకు రూ.149 చెల్లించడం ద్వారా..

నెలకు రూ.149 చెల్లించడం ద్వారా టెలిఫోన్‌ కనెక్షన్‌, 15 ఎంబీపీఎస్‌ వేగంతో ఇంటర్నెట్‌, 250 టీవీ చానళ్లను అందించనున్నారు. ఈ సంధర్భంగా ఫైబర్‌నెట్‌ ప్రాజెక్టు ఓ రికార్డు అని, రాబోయే రోజుల్లో టెక్నాలజీలో భారత్‌కే కాకుండా మొత్తం ప్రపంచానికే ఏపీ ఒక నమూనాలా నిలుస్తుందని ఏపీ సీఎం చంద్రబాబు నాయుడు కొనియాడారు.

సెట్ టాప్ బాక్సు ఖరీదు రూ.99

గృహ వినియోగదారులకే కాకుండా వ్యాపారం వాణిజ్యం సేవలకు ఈ ఫైబర్ నెట్ సేవలు అందుతాయి. అయితే వినియోగదారులు సెట్ టాప్ బాక్సును రూ.99తో కొనుగోలు చేయాల్సి ఉంటుంది. దీని ద్వారా ఇంటర్నెట్, టెలిఫోన్, 250 టీవీ ఛానళ్ల సేవలు అందుతాయి.

ఇంటి కనెక్షన్ల కోసం నెలకు రూ.235..

ఇంటి కనెక్షన్ల కోసం వినియోగదారులు నెలకు రూ.235 చెల్లించాల్సి ఉంటుంది. ఇందులో రూ.149 ఛార్జీ, రూ. 35-36 పన్నులు, రూ. 50 ట్రిపుల్ ప్లే బాక్స్ ఇన్‌స్టాల్‌మెంట్ ఉంటాయి. అయితే రూ. 149లో 110 రూపాయలు కేబుల్ ఆపరేటర్లకు, 39 రూపాయలు ప్రభుత్వానికి వెళ్లనుందని సమాచారం.

ఇంటికి ఇచ్చే కనెక్షన్లను మూడు భాగాలుగా..

ఇంటికి ఇచ్చే కనెక్షన్లను మూడు భాగాలుగా విభజించారు. బేసిక్ రూ. 149, స్టాండర్డ్ రూ. 399, ప్రీమియం రూ. 599లుగా ఇవి అందుబాటులో ఉంటాయి. వీటికి పన్నులు ఇన్‌స్టాల్‌మెంట్ అదనం. ఇప్పుడు ఇస్తున్న బేసిక్ రూ. 149లో 250 టీవీ ఛానళ్లు ( 90 పే ఛానళ్లు మిగతావి ఫ్రీ చానళ్లు) , 15ఎంబిపిఎస్ వేగంతో కూడిన ఇంటర్నెట్, 1 ఎంబిపిఎస్ తో అపరిమిత ఇంటర్నెట్ సదుపాయం కల్పిస్తారు.

వాస్తవ వ్యయం రూ.4,700 కోట్లు

కాగా ఈ ప్రాజెక్టు వాస్తవ వ్యయం రూ.4,700 కోట్లు అవుతుందని అంచనా వేయడం జరిగింది..దీంతో పాటు ఫైబర్‌ కేబుల్‌ను భూగర్భంలో వేసేందుకు వేల కోట్లు ఖర్చు అవుతుందని అధికారులు తెలిపిన విషయం తెలిసిందే.

రూ.330 కోట్లకే పూర్తి ..

అయితే ఈ ప్రాజెక్టును ఏపీ ప్రభుత్వం రూ.330 కోట్లకే పూర్తి చేసామని చెబుతోంది. అప్పటికే ఉన్న విద్యుత్తుస్తంభాలను ఉపయోగించుకుని వాటిపైన ఫైబర్‌నెట్‌ తీగలు లాగే ఆలోచనకు పదును పెట్టి ఈ ప్రాజెక్టుని పూర్తి చేసామని అధికారులు చెబుతున్నారు.

ప్రతి గ్రామ పంచాయితీకి ఇంటర్నెట్ సౌకర్యం..

కాగా ప్రతి గ్రామ పంచాయితీకి ఇంటర్నెట్ సౌకర్యం కల్పిస్తామని, ఇందుకోసం కేంద్ర ప్రభుత్వం రూ.860 కోట్లు ఇచ్చేందుకు అంగీకారం తెలిపిందని ఈ డబ్బుతో ప్రతి గ్రామంలో హాట్‌‌స్పాట్‌ ఏర్పాటు చేసి మారుమూల గ్రామాలకు ఇంటర్నెట్ సౌకర్యాన్ని అందిస్తామని ఏపీ సీఎం తెలిపారు.

ఏజెన్సీ ప్రాంతాల్లో కూడా ఇంటర్నెట్‌..

కాగా ఏజెన్సీ ప్రాంతాల్లో కూడా ఇంటర్నెట్‌ కనెక్షన్‌ ఇచ్చేందుకు గూగుల్‌ ఎక్స్‌తో రాష్ట్ర ఐటీ శాఖ ఒప్పందం చేసుకుందనే విషయాన్ని ఆయన గుర్తు చేశారు. ఎఫ్‌ఎస్‌వోసీ టెక్నాలజీ ద్వారా రాష్ట్రంలోని పాడేరు, అరకు లాంటి మారుమూల ప్రాంతాలకు సైతం ఇంటర్నెట్‌ సేవలును అతి త్వరలోనే అందుబాటులోకి తెస్తామని చెప్పారు.

ప్లాన్లు ఇవే

ఏపీ పైబర్ నెట్ కి సంబంధించిన మూడు విభాగాల ప్లాన్లు ఇవే ..