70-inch డిస్ప్లేతో రెడ్‌మి టీవీ: ధర & స్పెసిఫికేషన్స్

రెడ్‌మి టీవీ లాంచ్ వివరాలు:

Weiboలో రిలీజ్ అయిన టీజర్ ప్రకారం రెడ్‌మి టీవీ ఆగస్టు 29 న చైనాలో లాంచ్ అవుతుంది. ఇది 70 అంగుళాల స్మార్ట్ టీవీగా ఉంటుందని కంపెనీ ధృవీకరించింది. షియోమి స్మార్ట్ టీవీల మాదిరిగానే రాబోయే రెడ్‌మి టీవీ కూడా ప్యాచ్‌వాల్ UIని అమలు చేస్తుంది. ఇది 4K HDR సపోర్ట్, డాల్బీ సౌండ్ సపోర్ట్ మరియు బ్లూటూత్ వాయిస్ రిమోట్‌తో బండిల్ చేయబడి వచ్చే అవకాశం ఉంది.

ధర వివరాలు:

ఆసక్తికరమైన విషయం ఏమిటంటే రెడ్‌మి టీవీ (మోడల్ నంబర్ L70M5) ఇటీవల చైనాలో 3C సర్టిఫికేషన్‌ను ఆమోదించింది. టీజర్ మరియు మోడల్ నంబర్ ద్వారా వెళితే ఇది కేవలం ఒకే ఉత్పత్తిగా రిలీజ్ అవుతోంది. షియోమి సంస్థ ప్రస్తుతం చైనాలో 75-అంగుళాల Mi టివి మోడళ్లను విక్రయిస్తోంది. దీని ధర సుమారు 52,000 రూపాయలు . Mi టీవీ కంటే కొంచెం చిన్న డిస్ప్లేతో రాబోయే రెడ్‌మి టీవీ దాని కంటే కాస్త చౌక ధరకు అందుబాటులో ఉంటుంది.

రెడ్‌మి CEO:

గత నెలలోనే రెడ్‌మి సబ్-బ్రాండ్ యొక్క కొత్త CEO Wu లీబింగ్ రెడ్‌మి టీవీని ప్రారంభించబోతున్నట్లు సూచించాడు. రెడ్‌మి మార్కెట్ లోకి ప్రవేశించినప్పటి నుండి రెడ్‌మి ఇప్పటికే స్మార్ట్‌ఫోన్ మార్కెట్లో బాగానే అభివృద్ధి చెందింది. దీని పోర్ట్‌ఫోలియోలో ప్రధానంగా స్మార్ట్‌ఫోన్లు, ల్యాప్‌టాప్‌లు మరియు ఉపకరణాలు ఉన్నాయి.

రెడ్‌మి మార్కెట్:

టీవీ కన్స్యూమర్ ఎలక్ట్రానిక్స్ వంటి విభాగాలలోకి కూడా ప్రవేశించడం వల్ల రెడ్‌మి బ్రాండ్ ఎక్కువ మంది వినియోగదారుల జీవితాల్లోకి ప్రవేశిస్తుంది. షియోమి ఇప్పటికే భారతదేశం మరియు చైనా రెండింటిలోనూ టీవీ మార్కెట్లో అగ్రగామిగా ఉంది. దాని ఉత్పత్తులు షియోమిచే బాగా ప్రేరణ పొందినందున ఉప బ్రాండ్ విజయవంతం కావడానికి బలమైన అవకాశం ఉంది.

రెడ్‌మి నోట్ 8 సిరీస్‌ స్మార్ట్‌ఫోన్‌లు:

రెడ్‌మి టీవీతో పాటు కంపెనీ తన అభిమానులకు మరోక ఆశ్చర్యకరమైన మరొక వార్తను తెలపబోతోంది. అదే రోజున చైనాలో పుకార్లు ఉన్న రెడ్‌మి 8 మరియు రెడ్‌మి నోట్ 8 సిరీస్‌లను కూడా రెడ్‌మి సంస్థ ఆవిష్కరించబోతోంది.ఈ రెండు సిరీస్ స్మార్ట్‌ఫోన్‌ల వివరాలు ఆన్‌లైన్‌లో పలు సందర్భాల్లో గుర్తించబడ్డాయి. ఆగష్టు 29న జరగబోయే తన లాంచ్ ఈవెంట్ కార్యక్రమంలో రెడ్‌మి తన అభిమానుల కోసం అదనంగా మరొక ప్రోడక్ట్ ను రిలీజ్ చేస్తున్నారు.