అదనపు డేటాతో రూ.129 ప్రీపెయిడ్ ప్లాన్‌ను సవరించిన వోడాఫోన్

వోడాఫోన్ రూ.129 ప్రీపెయిడ్ రీఛార్జ్ ఆఫర్స్?:

వోడాఫోన్ యొక్క 129రూపాయల ప్రీపెయిడ్ ప్లాన్ 2GB- 2G / 3G / 4G డేటా,ఎటువంటి FUP పరిమితి లేకుండా అపరిమిత వాయిస్ కాలింగ్ మరియు మొత్తం చెల్లుబాటు సమయంలో 300 SMS లను పంపబడుతుంది. ఈ ప్లాన్ 28 రోజుల చెల్లుబాటు సమయంతో వస్తుంది. కాల్ చేయడానికి FUP పరిమితి లేనందున కనీస డేటా ప్రయోజనం మరియు భారీ వాయిస్ కాలింగ్ కోసం చూస్తున్న వినియోగదారులకు ఈ ప్లాన్ చాలా ఉపయోగపడుతుంది. అలాగే వోడాఫోన్ కస్టమర్లు తమ మొబైల్ నంబర్‌ను యాక్టివ్‌గా ఉంచడానికి ఈ ప్లాన్‌ను రీఛార్జ్ చేసుకోవచ్చు ఎందుకంటే కంపెనీ గత ఏడాది కనీస రీఛార్జ్ పథకాన్ని ప్రవేశపెట్టింది.

గతంతో పోలిక:

వోడాఫోన్ ఈ ఏడాది ఫిబ్రవరిలో 1.5GB డేటా బెనిఫిట్ మరియు అపరిమిత కాలింగ్ బెనిఫిట్‌లతో 129రూపాయల ప్రీపెయిడ్ ప్లాన్‌ను ప్రవేశపెట్టింది. తరువాత సంస్థ ఈ ప్రణాళికకు SMS ప్రయోజనాన్ని కూడా జోడించింది. ఇప్పుడు భారతి ఎయిర్‌టెల్‌ ప్లాన్ తో సరిపోలడానికి డేటా ప్రయోజనాన్ని 500MBకి పెంచింది. పైన చెప్పినట్లుగా వోడాఫోన్ రూ.129 ప్రీపెయిడ్ ప్లాన్ కార్యకలాపాలు ఉన్న అన్ని టెలికాం సర్కిల్‌లలో చెల్లుతుంది.

వోడాఫోన్ రూ.129 ప్రీపెయిడ్ ప్లాన్ Vs ఎయిర్‌టెల్ రూ.129 ప్రీపెయిడ్ రీఛార్జ్:

ముఖ్యంగా భారతి ఎయిర్‌టెల్ కూడా ఇదే విధమైన ప్రీపెయిడ్ ప్లాన్‌ను 129రూపాయలకు అందిస్తోంది.దీనిని బహిరంగ మార్కెట్ ద్వారా కూడా రీఛార్జ్ చేసుకోవచ్చు. 129రూపాయల ప్లాన్‌తో రీఛార్జ్ చేసుకొనే ఎయిర్‌టెల్ కస్టమర్లకు అపరిమిత వాయిస్ కాలింగ్, 2GB 4G/ 3G/ 2 G డేటా, 300 ఎస్‌ఎంఎస్‌లు 28 రోజుల పాటు చెల్లుబాటుతో అందిస్తుంది. కొత్తగా రూ.129ల ప్లాన్ ను సవరించిన తరువాత వోడాఫోన్ కూడా ఇలాంటి ప్రయోజనాలను అందిస్తోంది కాబట్టి ఈ ప్లాన్ రెండు ఆపరేటర్ల మధ్య టైగా చెప్పవచ్చు. ఎయిర్టెల్ తో వినియోగదారులు ఎయిర్టెల్ టివి మరియు వింక్ మ్యూజిక్ లకు కూడా యాక్సిస్ పొందుతారు. వోడాఫోన్ కస్టమర్లు కూడా వోడాఫోన్ ప్లే చందాను ఉచితంగా ఆస్వాదించగలుగుతారు.

వోడాఫోన్ రూ.129 ప్రీపెయిడ్ ప్లాన్ Vs రిలయన్స్ జియో రూ.98 ప్రీపెయిడ్ రీఛార్జ్:

రిలయన్స్ జియో తన ప్రీపెయిడ్ ప్రణాళికలను దేశంలో పునరుద్ధరించి దాదాపు 18 నెలలు అయ్యింది. జియో నుండి ప్రస్తుతం వున్న టారిఫ్ ప్రణాళికలు 2018 ప్రారంభంలో ప్రవేశపెట్టబడ్డాయి అప్పటి నుండి కంపెనీ వాటిని సవరించలేదు ఎందుకంటే అవి పోటీలో అందరి కంటే ఇంకా ముందున్నాయి. రిలయన్స్ జియోలో రూ.98 ప్రీపెయిడ్ ప్లాన్ ఎయిర్టెల్ మరియు వొడాఫోన్ యొక్క రూ.129 ప్రీపెయిడ్ ప్లాన్ లాగానే అన్ని ప్రయోజనాలను అందిస్తుంది. ముఖేష్ అంబానీ యాజమాన్యంలోని సంస్థ రూ .98 ప్లాన్‌తో 2GB 4G డేటా, 300SMS, అపరిమిత వాయిస్ కాలింగ్‌ వంటి ప్రయోజనాలను అందిస్తుంది. కాబట్టి ధరల వారీగా రిలయన్స్ జియో వోడాఫోన్ మరియు ఎయిర్‌టెల్ కంటే 98రూపాయల ప్లాన్‌తో ముందంజలో ఉంది. రిలయన్స్ జియో యొక్క రూ.98 ప్లాన్ బహిరంగ మార్కెట్ లో మొత్తం మీద 22 టెలికాం సర్కిల్‌లలో చెల్లుబాటు అవుతుంది.