యూజర్లకు దిమ్మతిరిగే షాకిచ్చిన ఫేస్‌బుక్

By Hazarath

Updated: Wednesday, June 15, 2016, 13:47 [IST]

సోషల్ మీడియాలో దూసుకుపోతున్న ఫేస్‌బుక్ యూజర్లకు షాకిచ్చింది. తను ప్రవేశపెట్టబోయే కొత్త ఫోటో యాప్ మూమెంట్స్ ను డౌన్ లోడ్ చేసుకోవాలని లేకుంటే యూజర్ల ఫోటోలను వారి అకౌంట్ నుండి తొలగిస్తామని హెచ్చరించింది. ఇటీవలే ఫోటోలను సమీకరించే ఫీచర్ ను మొబైల్ యాప్ నుండి తొలగించింది. ఈ కోర్ ఫేస్‌బుక్ యాప్ ద్వారా ఫోన్ లోని లోకల్ కెమెరా నుంచి తీసిన ఆటోమేటిక్ గా ఫోటోలు ఫేస్‌బుక్ ప్రైవేట్ ఆల్బమ్‌కు వెళ్లిపోతాయి. ఇవి యూజర్ల ప్రైవేట్ ఆల్బమ్‌లో దాగిఉంటాయి. అవసరమైనప్పుడు ఫేస్‌బుక్ లో తేలికగా షేరు చేసుకోవచ్చు.

కొత్త యాప్‌ను డౌన్‌లోడ్ చేసుకోకపోతే ఫేస్‌బుక్ ప్రైవేట్ ఆల్బమ్ లోని యూజర్ల ఫోటోలను తొలగిస్తామని చెప్పింది. ఎవరైతే ఫేస్‌బుక్ ఆటో సింక్ ఫీచర్ ను వాడుతున్నారో వారు జూలై 7 వరకు మూమెంట్స్ యాప్‌ను డౌన్ లౌడ్ చేసుకోండి.. లేదా సింక్డ్ ఫోటో జిప్ ఫైల్ క్రియేట్ చేసుకోమని హెచ్చరిస్తోంది. లేదంటే ఫేస్‌బుక్ ప్రైవేట్ ఆల్బమ్ నుంచి ఫోటోలను తొలగిస్తామని బెదిరిస్తోంది. ఈ నిబంధన కేవలం ఆటో-సింక్డ్ ఫోటోలకేనని, పర్సనల్ గా అప్ లోడ్ చేసిన ఫోటోలకు వర్తించదని పేర్కొంది.

అయితే ఫేస్‌బుక్ ప్రైవేట్ ఆల్బమ్ నుంచి ఫోటోలు తొలగిస్తామని యూజర్లకు వస్తున్న హెచ్చరికలపై భిన్న స్పందనలు వస్తున్నాయి. సింక్డ్ గా అన్ని ఫోటోలు అప్‌లోడ్ చేశామని, అసలు ఆ విషయం తమకు గుర్తులేదని పేర్కొంటున్నారు. ఫేస్‌బుక్‌లో గుర్తు తెలియని వ్యక్తుల నుంచి వచ్చిన మెసేజ్‌లను చూడటం ఎలాగో తెలుసుకోండి.