అదరగొడుతున్న ఆండ్రాయిడ్ O ఫీచర్లు

బ్యాటరీ లైఫ్

ఆండ్రాయిడ్ ఓ ఆపరేటింగ్ సిస్టమ్‌లో గతంలో కన్నా బ్యాటరీ లైఫ్ మరింత ఎక్కువగా వచ్చేలా డిజైన్ చేశారు. బ్యాక్‌గ్రౌండ్‌లో రన్ అయ్యే యాప్స్ బ్యాటరీ వాడుకోవడాన్ని నియంత్రించే కొత్త సాఫ్ట్‌వేర్‌ను ఇందులో తీర్చిదిద్దారు.

కంట్రోల్

ఆండ్రాయిడ్ ఓ లో యూజర్లు నోటిఫికేషన్లను మరింతగా కంట్రోల్ చేసుకోవచ్చు. అలాగే అవసరం లేని నోటిఫికేషన్లను బ్లాక్ చేయవచ్చు. కావాలనుకుంటే వాటిని కొంత సేపు అయ్యాక మళ్లీ కన్పించేలా చేయవచ్చు.

డేటా స్టోర్

ఆండ్రాయిడ్ ఓ లో యూజర్లు ఫోన్‌లో సేవ్ చేసే డేటాను సురక్షితంగా స్టోర్ చేసుకునేందుకు కొత్త యాప్‌లను ఏర్పాటు చేశారు.

మల్టీ విండో మోడ్‌

రెండు, మూడు యాప్‌లను ఒకేసారి స్క్రీన్‌పై వాడుకునేందుకు వీలుగా ఉండే మల్టీ విండో మోడ్‌ను ఇందులో అందిస్తున్నారు.

కొత్త ఫాంట్లు

గతంలో కన్నా ఆండ్రాయిడ్ ఓ ఆపరేటింగ్ సిస్టమ్‌లో మరిన్ని కొత్త ఫాంట్లను యూజర్లకు అందిస్తున్నారు. వాటితో యూజర్లు తమ డివైస్‌లను తమ ఇష్టాలకు అనుగుణంగా సెట్ చేసుకోవచ్చు.

ఐకాన్లు

ఆండ్రాయిడ్ 7.0 నౌగట్‌తో పోలిస్తే ఆండ్రాయిడ్ ఓ ఆపరేటింగ్ సిస్టమ్‌లో పలు ఐకాన్లను చాలా ఆకర్షణీయంగా తీర్చిదిద్దారు. వివిధ రకాల డిస్‌ప్లేలపై కూడా డివైస్ స్క్రీన్ మరింత ప్రకాశవంతంగా కనిపించేలా ఏర్పాటు చేశారు.

క్రాష్ కాకుండా కొత్త సాఫ్ట్‌వేర్‌

మీరు ఇంటర్నెట్ బ్రౌజర్లలో వెబ్‌సైట్లను చూస్తున్నప్పుడు అవి క్రాష్ కాకుండా ఉండేందుకు గాను కొత్త సాఫ్ట్‌వేర్‌ను ఏర్పాటు చేశారు.

2 రెట్లు వేగం

గతంలో వచ్చిన ఆండ్రాయిడ్ ఆపరేటింగ్ సిస్టమ్ ల కన్నా ఆండ్రాయిడ్ ఓ 2 రెట్లు వేగంగా పనిచేసేలా డిజైన్ చేశారు.

హైఫై బ్లూటూత్ ఆడియో

మీరు ఓ ద్వారా బ్లూ టూత్ సహాయంతో అత్యాధునిక క్వాలిటీతో ఆడియోను వీక్షించవచ్చు. ఆడియో రికార్డింగ్ స్పీకర్, హెడ్ ఫోన్ అత్యంత క్వాలిటితో వచ్చే విధంగా ఓను తీసుకొస్తున్నారు.