వరుసగా షాకిస్తున్న బిల్‌గేట్స్ , అంబాని ప్లేస్ ఎక్కడ..?

ప్రపంచంలోని అత్యంత ధనవంతుల్లో బిల్‌గేట్స్ వరుసగా నాలుగోసారి రారాజుగా నిలిచారు.

By Hazarath

Published: Tuesday, March 21, 2017, 12:23 [IST]

ప్రపంచంలోని అత్యంత ధనవంతుల్లో బిల్‌గేట్స్ వరుసగా నాలుగోసారి రారాజుగా నిలిచారు. ఫోర్బ్స్ ప్రకటించిన ఈ జాబితాలో 86 బిలియన్‌ డాలర్ల సంపదతో వరుసగా నాలుగోసారి అగ్రస్థానం దక్కించుకున్నారు. బెర్క్‌షైర్‌ హాథ్‌వే చీఫ్‌ వారెన్‌ బఫెట్‌ 75.6 బిలియన్‌ డాలర్లతో రెండో స్థానంలో ఉండగా.. అమెజాన్‌ చీఫ్‌ జెఫ్‌ బెజోస్‌ మూడో స్థానంలో నిల్చారు.

షియోమి కొత్త షాక్ : సెకనుకో ఫోన్ తయారీ, అదీ ఏపీలో

ఫోర్బ్స్‌ మ్యాగజైన్‌ విడుదల చేసిన శ్రీమంతుల జాబితాకు సంబంధించి టాప్‌ టెన్‌లో సింహభాగం టెక్నాలజీ దిగ్గజాలే ఉన్నారు. దేశీయంగా అంబాని ధనవంతుల జాబితాలో అగ్రస్థానంలో కొనసాగుతున్నారు. ప్రపంచ ధనవంతుల జాబితాలో అంబానిది 32వ స్థానం.

1 బిలియన్ యాహూ అకౌంట్లు అమ్మకానికి..

బిల్ గేట్స్ ఆస్తులపై దిమ్మతిరిగే నిజాలు..ఓ స్మార్ట్ లుక్కేయండి

ఆస్తి తరగటానికి ఏకంగా 218 సంవత్సరాలు

ఆక్స్‌ఫామ్ సర్వే వెల్లడించిన వివరాల మేరకు బిల్ గేట్స్ తన 79 బిలియన్ డాలర్ల అదృష్టాన్ని రోజుకు 1 మిలియన్ డాలర్ల చొప్పున ఖర్చు చేసినట్లయితే ఆ ఆస్తి తరగటానికి ఏకంగా 218 సంవత్సరాలు పడుతోందట.

నాలుగు సెకన్లలో

బిల్ గేట్స్ సంపాదన సెకనుకు $250 యూఎస్ డాలర్లు, రోజుకు $20 మిలియన్. సంవత్స్రానికి $7.2 బిలియన్. బిల్ గేట్స్ ఓ వెయ్యి డాలర్ల‌ను నేలపై జారవిడిచినట్లయితే వాటిని తిరిగి తీసుకోనవసరం లేదు. ఎందుకంటే గేట్స్ ఆ జార విడిచిన మొత్తాన్ని నాలుగు సెకన్లలో సంపాదించగలరు.

అమెరికా అప్పుని

ఓ అంచనా ప్రకారం అమెరికాకు ఉన్న అప్పు విలువ షుమారు 5.62 ట్రిలియన్లు. ఈ మొత్తాన్ని బిల్‌గేట్స్ 10 సంవత్సరాల్లో తీర్చగలరు.

బిల్ గేట్స్ ఒక దేశమైతే

బిల్ గేట్స్ ఒక దేశమైతే..ఈ భూమి పై 37వ ధనిక దేశంగా బిల్ గేట్స్ ఉంటారు.

బిల్ గేట్స్ 3 రోజుల్లో అప్పుల పాలు

ప్రపంచవ్యాప్తంగా ఉన్న మైక్రోసాఫ్ట్ విండోస్ వినియోగదారులు తమ కంప్యూటర్ హ్యాంగ్ అయిన ప్రతిసారీ నష్టపరిహారం క్రింది యూఎస్ $1 డాలర్‌ను కోరినట్లయితే. బిల్ గేట్స్ 3 రోజుల్లో అప్పుల పాలవుతారు.