గొప్ప ఆఫర్లతో మొదటిసారి అమ్మకానికి శామ్సంగ్ గెలాక్సీ A80

శామ్సంగ్ గెలాక్సీ A80 స్మార్ట్‌ఫోన్ ధర వివరాలు:

ఇండియాలో శామ్‌సంగ్ గెలాక్సీ A80 యొక్క టాప్-ఎండ్ మోడల్ 8 జీబీ ర్యామ్ + 128 జీబీ స్టోరేజ్ వేరియంట్‌ ధర 47,990 రూపాయలుగా సెట్ చేయబడింది. ఇది ఏంజెల్ గోల్డ్, ఘోస్ట్ వైట్ మరియు ఫాంటమ్ బ్లాక్ వంటి మూడు కలర్ ఆప్షన్లలో లభిస్తుంది. ఈ స్మార్ట్‌ఫోన్ ప్రస్తుతం అమెజాన్ ఇండియా, ఫ్లిప్‌కార్ట్ మరియు శామ్‌సంగ్ ఇండియా వెబ్‌సైట్ ద్వారా కొనుగోలు చేయడానికి సిద్ధంగా ఉంది. ఈ రోజు నుండి అన్ని ఆఫ్ లైన్ దుకాణాలు మరియు శామ్సంగ్ ఒపెరా హౌస్ ద్వారా కూడా ఇది అందుబాటులో ఉంటుంది.

శామ్సంగ్ గెలాక్సీ A80 స్మార్ట్‌ఫోన్ ఆఫర్లు:

సిటీబ్యాంక్ క్రెడిట్ కార్డులను ఉపయోగించి ఈ కొత్త స్మార్ట్‌ఫోన్‌ను కొనుగోలు చేసే వినియోగదారుల కోసం శామ్‌సంగ్ ఐదు శాతం క్యాష్‌బ్యాక్‌ను అందిస్తోంది. శామ్‌సంగ్ ఇండియా సైట్ కూడా ఈ స్మార్ట్‌ఫోన్‌పై 3,000 అదనపు ఎక్స్ఛేంజ్ డిస్కౌంట్ ఇస్తోంది. అలాగే ఫ్లిప్‌కార్ట్ కూడా ఈ స్మార్ట్‌ఫోన్‌ను యాక్సిస్ బ్యాంక్ క్రెడిట్ కార్డ్‌ల ద్వారా కొనుగోలు చేసే వినియోగదారుల కోసం 5 శాతం క్యాష్‌బ్యాక్‌ను అందిస్తున్నది. అలాగే అమెజాన్ హెచ్‌డిఎఫ్‌సి బ్యాంక్ డెబిట్ కార్డులపై కూడా 5 శాతం క్యాష్‌బ్యాక్‌ను అందిస్తోంది.

శామ్సంగ్ గెలాక్సీ A80 స్పెసిఫికేషన్స్:

శామ్‌సంగ్ గెలాక్సీ A80 డ్యూయల్ సిమ్ (నానో) స్లాట్ ను కలిగి ఉంటుంది మరియు ఆండ్రాయిడ్ పై One UI తో రన్ అవుతుంది. ఈ స్మార్ట్‌ఫోన్‌ 6.7-అంగుళాల ఫుల్-హెచ్‌డి + (1080x2400 పిక్సెల్స్) సూపర్ అమోలెడ్ 'న్యూ ఇన్ఫినిటీ డిస్‌ప్లే'ను 20: 9 కారక నిష్పత్తితో కలిగి ఉంటుంది. ఈ ఫోన్‌లో డిస్ప్లే ఫింగర్ ప్రింట్ సెన్సార్ కూడా ఉంది. ఇది 8GB RAM తో జతచేయబడిన ఆక్టా-కోర్ స్నాప్‌డ్రాగన్ 730G SoC ను కలిగి ఉంది.

కెమెరా:

ఆప్టిక్స్ పరంగా శామ్సంగ్ గెలాక్సీ A80 లో ముందుకు వెనుకకు తిరిగే కెమెరా సెటప్ ను కలిగి ఉంటుంది. ఇందులో f/ 2.0 లెన్స్‌తో 48 మెగాపిక్సెల్ ప్రైమరీ సెన్సార్ మరియు అల్ట్రా-వైడ్ యాంగిల్ 123-డిగ్రీ f/ 2.2 లెన్స్‌తో 8 మెగాపిక్సెల్ సెకండరీ సెన్సార్ ఉన్నాయి. ఇందులో IR సెన్సార్‌తో పాటు 3D డెప్త్ కెమెరా కూడా ఉంది. అంతేకాకుండా గెలాక్సీ A80 యొక్క కెమెరా సెటప్ సెల్ఫీ మోడ్‌ను ఎంచుకున్న తర్వాత మాత్రమే ముందుకు తిరుగుతుంది.

శామ్సంగ్ గెలాక్సీ A80 ప్రీలోడ్ చేసిన సూపర్ స్టెడి మోడ్‌ను ఉపయోగించి వీడియో షేక్‌ని తగ్గిస్తుందని పేర్కొంది. ఇంకా చుట్టుపక్కల వున్న 30 సన్నివేశాలను గుర్తించి మెరుగుపరచగల సీన్ ఆప్టిమైజర్ ఉందని కంపెనీ తెలిపింది. ఈ స్మార్ట్‌ఫోన్‌లో లోపాలని గుర్తించడం కూడా ఉంది. ఇందులో మెరుగైన షాట్లను అందించడానికి పిక్చర్ ను క్లిక్ చేయడానికి ముందు అవాంతరాలను స్వయంచాలకంగా గుర్తించడానికి ఉపయోగపడుతుంది. ఈ స్మార్ట్‌ఫోన్‌ లోపల నిర్మించిన 3D డెప్త్ కెమెరాను ఉపయోగించి ఫోన్ లైవ్ ఫోకస్ స్టిల్ మరియు వీడియో ఫలితాలను కూడా అందిస్తుంది.

ఫీచర్స్:

స్టోరేజ్ విషయంలో శామ్సంగ్ గెలాక్సీ A80 లో 128GB ఇంటర్నల్ స్టోరేజ్ ఉంది. అంతేకాకుండా మైక్రో SD కార్డ్ ద్వారా దీనిని 1TB వరకు విస్తరించవచ్చు . కనెక్టివిటీ ఎంపికలలో ఇది 4G VoLTE, Wi-Fi 802.11ac, బ్లూటూత్ v5.0, GPS / A-GPS మరియు USB టైప్-సి పోర్టులను కలిగి ఉన్నాయి. చివరగా ఈ ఫోన్ 25W ఫాస్ట్ ఛార్జింగ్కుకు మద్దతు ఇచ్చే 3,700 ఎమ్ఏహెచ్ బ్యాటరీతో ప్యాక్ చేయబడి వస్తుంది.