ప్రపంచంలో అతిపెద్ద స్మార్ట్‌ఫోన్ కంపెనీలు

శామ్సంగ్:

దక్షిణ కొరియా కంపెనీ అయిన శామ్సంగ్ 2019 రెండవ త్రైమాసికంలో ప్రపంచవ్యాప్తంగా 21.3% మార్కెట్ వాటాతో స్మార్ట్‌ఫోన్‌లను తయారుచేస్తు స్మార్ట్‌ఫోన్‌ మార్కెట్ వాటా జాబితాలో అగ్రస్థానంలో ఉంది. ప్రపంచ ఎగుమతుల పరంగా ఇది Y-o-Y లో 7.1% వాటా పెరిగింది.

హువాయి:

రెండవ స్థానంలో ప్రముఖ చైనా టెక్ దిగ్గజం అయిన హువాయి కంపెని ఉంది. కౌంటర్ పాయింట్ రీసెర్చ్ ప్రకారం 2019 Q2 చివరిలో కంపెనీ ప్రపంచవ్యాప్తంగా 15.8% మార్కెట్ వాటాను కలిగి ఉంది. ఈ కంపెనీ ప్రపంచవ్యాప్తంగా 56.7 మిలియన్ యూనిట్ల స్మార్ట్‌ఫోన్‌లను రవాణా చేసింది. ప్రపంచ ఎగుమతుల పరంగా ఇది 4.6% Y-o-Y వృద్ధిని అందిస్తున్నది.

ఆపిల్:

కుపెర్టినోకు చెందిన టెక్ దిగ్గజం ఆపిల్ ప్రపంచవ్యాప్తంగా మూడవ అత్యధిక స్మార్ట్‌ఫోన్ షిప్పింగ్ కంపెనీగా నిలిచింది. 2019 Q2 చివరిలో కంపెనీ ప్రపంచవ్యాప్తంగా10.3% మార్కెట్ వాటాను కలిగి ఉంది. 2018 Q2 లో కంపెనీ యొక్క మార్కెట్ వాటా 11.3% ను కలిగి ఉంది. 2019 Q2 లో ఉన్నా మార్కెట్ వాటాను 2018 Q2 తో పోలిస్తే దాని యొక్క మార్కెట్ వాటా 2019 Q2 లో 1.0%కు పడిపోయినప్పటికీ ప్రపంచవ్యాప్తంగా ఎక్కువ ప్రజాదరణ పొందిన స్మార్ట్‌ఫోన్‌గా ఉంది.

షియోమి:

Q2 2019 లో 0.9% Y-o-Y స్వల్ప వృద్ధితో ప్రపంచ స్మార్ట్‌ఫోన్ మార్కెట్ వాటా ర్యాంకింగ్‌లో షియోమి నాల్గవ స్థానంలో ఉంది. ఈ త్రైమాసికంలో దాని ప్రపంచ మార్కెట్ వాటా 9% వద్ద ఉంది ముక్యంగా 2019లో షియోమి యొక్క స్మార్ట్‌ఫోన్‌లు ఇండియాలో బాగా ప్రాచుర్యం పొందాయి 2017 లో దీని యొక్క ప్రపంచ స్మార్ట్‌ఫోన్‌ల మార్కెట్ వాటా చాలా తక్కువ.

ఒప్పో:

ప్రపంచ స్థాయి స్మార్ట్‌ఫోన్ మార్కెట్ వాటా జాబితాలో 5 వ స్థానంలో చైనా కంపెనీ అయిన ఒప్పో ఉంది. 2019 రెండవ త్రైమాసికం చివరినాటికి కంపెనీ 8.1% మార్కెట్ వాటాను కలిగి ఉంది. 2018 లో దీని యొక్క వృద్ధిని పరిగణలోకి తీసుకుంటే దాని వార్షిక వృద్ధి 2% పడిపోయింది.

వివో:

ఈ ర్యాంకింగ్ జాబితాలో ఆరో స్థానంలో ఉన్న మరొక చైనీస్ స్మార్ట్‌ఫోన్ బ్రాండ్ వివో. ప్రపంచవ్యాప్తంగా వివో కంపెనీ మార్కెట్ వాటా 7.5% తో ఉంది. 2019 Q2 ప్రకారం ఈ కంపెనీ యొక్క వృద్ధి రేటు 2.1% Y-o-Y తో నమోదైంది. వివో యొక్క స్మార్ట్‌ఫోన్ మార్కెట్ వాటా గత సంవత్సరంతో పోల్చితే చాలా బాగా వృద్ధి చెందింది.

లెనోవా :

ఇండియాలో మోటరోలా మొబైల్ బాగా ప్రాచుర్యం పొందడంతో పాటు ప్రపంచవ్యాప్తంగా వున్న అన్ని స్మార్ట్ ఫోన్ కంపెనీలకు గట్టి పోటీ ఇవ్వడంతో మోటరోలా యాజమాన్య కంపెనీ అయిన లెనోవా యొక్క మార్కెట్ వాటా 2019 Q2 చివరిలో 2.6% వృద్ధి రేటుతో 2019 సంవత్సరానికి లెనోవా యొక్క ప్రపంచ స్థాయి స్మార్ట్‌ఫోన్ మార్కెట్ వాటా 6% పెరిగింది.

LG:

2019 Q2 సమయంలో సంవత్సరపు వృద్ధిలో 18.5% భారీ తగ్గుదలతో LG 8 వ స్థానంలో ఉంది. ఈ కంపెనీ యొక్క మార్కెట్ వాటా 2.2% వద్ద ఉంది స్మార్ట్‌ఫోన్ రంగంలో భారీగా పెరిగిన మార్పులను LG స్మార్ట్‌ఫోన్ అందుకోలేక భారీపతనాన్ని చవిచూడవలసి వచ్చింది.

HMD:

మొబైల్ రంగంలో ఒకప్పుడు రారాజుగా ఉన్న నోకియా ఇప్పుడు బారి పతనాన్ని చూడవలసి వచ్చింది.ఒకప్పుడు మొదటి స్థానంలో ఉన్న నోకియా ఇప్పుడు 20.21% భారీ తగ్గుదలతో 9వ స్థానానికి పడిపోయింది.తన స్థానాన్ని మళ్ళి తిరిగి పొందడానికి నోకియా ప్రస్తుతం వున్న అన్ని స్మార్ట్‌ఫోన్ లకు పోటీగా తన స్మార్ట్‌ఫోన్ ను కూడా విడుదల చేస్తోంది. ఈ స్మార్ట్‌ఫోన్ ద్వారా అయిన నోకియా తిరిగి తన స్థానాన్ని పొందుతుందో లేదో చూడాలి.

రియల్‌మి :

ప్రపంచ స్థాయి స్మార్ట్‌ఫోన్ మార్కెట్ వాటా జాబితాలో అతిపెద్ద లాభం చైనా కంపెనీ అయిన రియల్‌మి సంస్థది. స్మార్ట్‌ఫోన్ రంగంలోకి కొత్తగా ప్రవేసించినప్పటికీ ఈ కంపెనీ యొక్క మార్కెట్ వాటా సంవత్సరానికి అత్యధికంగా 848% వృద్ధిని సాధించింది. మొత్తం ప్రపంచ మార్కెట్ వాటాలో 1.3% వాటా కంపెనీ కలిగి ఉంది.